مواطن عربى تعب من كتر اللى بيشوفه بيحصل كتب وقال

باعتب عليكم يا عرب فين الرجوله
ليه الشهامه بتختفى منه بسهوله
فين الضمير ؟
ليه بالرخيص باع القضيه
وراح فين صلاح الدين وفين زمن البطوله

المشكله مش بس غزه
أو رام الله أو جنين
دى مسرحيه والله شاذه
من سنين
شله صهاينه اتسللوا
جوه العروبه
دخلوا البلاد
قتلوا العباد
قتلوا اللى لسه هيتولد قبل الميلاد
وهتعمل ايه بس المقاومه برمى طوبه
نفسى اشوفكم يا عرب متوحدين
واخدين قرار
مش هزار
بالوحده ممكن تمنعوا كلمه حصار
بالوحده ممكن تصنعوا م الليل نهار
بالوحده ممكن توصلو ا للانتصار

ردوا عليه الرؤساء العرب وقاللوا
مش عايزين كلام كتير هنقولك اخيرنا واخيركم
واللى تمشوا عليه افهم كلمنا
واسمعوا ولالالالالالا



ديمقراطيه ديمقراطيه
أيوه هى ديمقراطيه
ديمقراطيه بس هى
ع الطريقه الامريكيه
ديمقراطيه ديمقراطيه
لو يهودى احتل دارك
قوم وقدم له تحيه
سيبله دارك باختيارك
خلى عندك مفهوميه
اصل مهما يكون قرارك
النتيجه هى هى
هو مات اسود نهارك
انت مت ماليكش ديه
ديمقراطيه ديمقراطيه
اسرائيل تسرق وتنهب
بس غلبانه وضحيه
اسرائيل تهدم وتضرب
مش جرايم انسانيه
اسرائيل بالكدب تكتب
الف فيلم وتمثيليه
وان تلومها ولا تعتب
يبقى منك للساميه
ديمقراطيه ديمقراطيه
الفلسطينى اللى صابر
نص قرن ع الاذيه
فيها ايه لو تنو صابر
نص تانى يبقوا ميه
واليهودى ابن الاكابر
يبنى دوله صهيونيه
واللى يبقا ساعتها فاكر
يبقى يرفع 100 قضيه
ديمقراطيه ديمقراطيه
خلاص فهمت خلاص فهمت
ان الصهاينه هما الساميه
واحنا هنبيع القضيه
احنا بنعتدى عليهم
وهما بالسلام مدين ايديهم
بس اسمحلى اقول لأخويا
لو شوفتك بتموت انت وابوك ولا بنتك ولا اختك ولا امك ولا ابنك الرضيع ولا اخوك واللى جابوك
هعملى نفسى معرفكش ولا شفتكش
ايوه ياابنى هى دى الــــــــديـــــــمقراطي ه!!!!!!